Ást og friður

Malaga: Útivist, slökun og fræðsla í maí 2025

80.000 kr
80.000 kr
Tax included. Shipping calculated at checkout.

Útijóga, gönguferðir, hugleiðslur, öndunaræfingar, jóga nidra djúpslökun, fræðsla um ayurveda lífsvísindin, spjall um meltingu og næringu, heilandi grænmetisfæði, nudd, magnesium- og leirbað, söguspjall um márana á Spáni, gaman saman út að borða í Gaucín og ekki má gleyma sólbaðinu!

  • Verð í tveggja manna herbergi:  255. 000 kr.
  • Verð í fjögurra manna herbergi: 215.000 kr
  • Staðfestingargjaldið er 80.000 kr. 
  • Greiða þarf það sem út af stendur fyrir 16. febrúar 2025. 

21-28. maí 2024

Komdu með í heilsueflandi ferð til Andalúsíuhéraðs á Spáni. Farið verður í göngur um fjöllin og korkskóginn, mjúkt jóga á morgnana í jógatjaldinu, yoga nidra leidd liggjandi djúpslökun á kvöldin, nudd og leirbað fyrir þá sem vilja.

Við höfum fræðsluspjall einn daginn um áhrif næringar á andlega og líkamlega heilsu út frá hinum fornu indversku lífsvísindum ayurveda og hver og einn fær aðstoð til að finna út sína meðfæddu líkamsgerð skv ayurveda fræðunum.

 

Að þessu sinni hefst námskeiðið í hinu heillandi fjallaþorpi Gaucín sem er nærri El Colmenar þar sem heilsubúgarðurinn Casa Rural Ahora er staðsettur. Í Gaucín notum við tækifærið og höfum söguspjall um márana á Spáni sem settu ærlegt mark sitt á landið með nær átta alda valdatíma sem einkenndist af blómstrandi menningu, framþróun í vísindum og efnahagslífi. Í Gaucín gefst tími til að skoða kastalann sem á rætur að rekja til tíma Rómverja en var mikilvægt virki á tíma máranna. Í Gaucín verður farið út að borða á veitingastað þar sem stórkostlegt útsýni gefur matnum aukið gildi, en hægt er að sjá ljósin í Afríku, hinum megin Gíbraltarsundsins í kvöldrökkrinu.

Næsta dag gerum við léttar æfingar fyrir morgunverð áður en lagt er af stað í göngu niður fjallið til þorpsins El Colmenar þar sem heilsubúgarðurinn Casa Rural Ahora er staðsettur. Þar verður síðan dvalið næstu sex nætur.

Við lítum á þessa viku í fjöllunum sem næringu fyrir líkama og sál, og máltíðirnar eru því heilsubætandi grænmetisréttir sem bæði eru afar ljúffengir og heilandi fyrir meltingarveginn.

Hver og einn kemur sér sjálfur til Malaga. Þess má geta að flugfélagið Play er með beint flug til Malaga 20. maí. 

Á staðnum eru jógamottur en gott er að koma með eitt teppi og púða með sér fyrir jóga nidra djúpslökunina á kvöldin. Ef pláss er í töskunni er líka sniðugt að stinga einum eða tveimur jógakubbum niður.

 

Skipt er um handklæði einu sinni eða tvisvar í viku á herbergjunum. WC pappír og náttúruleg sápa er á baðherbergjunum. það má nefna að sápan er framleidd á staðnum og algerlega laus við aukaefni. Þar sem þetta er svokölluð ,,sveita ferðamennska" eða turismo rural, er ekki sami lúxusinn eins og á hótelherbergjum í borgum. Það er því ekki þrifið daglega og enginn ísskápur eða kaffi/te græjur inn á herbergjum. Þetta er búgarður í miðri náttúrunni, við endimörk þorpsins El Colmenar sem er í Malaga héraði. Áin Guadiaro rennur fram hjá búgarðinum og í garði nágrannans eru oft kindur á beit rétt við jógatjaldið. Ávaxtatré þar sem vaxa sítrónur, appelsínur og fleiri ávextir eru ræktuð á Casa Rural Ahora og er jógatjaldið í miðri þessari náttúrudýrð.

 

 

Dagskrá:

21. maí: Allir hittast við rómversku rústirnar í miðbæ Malaga kl 10:00. Töskurnar er best að geyma á hótelinu þar sem gist var nóttina áður. Við göngum lítinn hring um miðbæinn og setjumst í bröns nærri rómversku rústunum með útsýni til Alcazaba márakastalans. Í labbinu verður sýnt hvar rútan nær í okkur síðar um daginn. 

21. maí: Rúta sækir okkur kl.13:00 og lagt í hann til fjallaþorpsins el Gaucín sem er 1,5 klst akstur. Á leiðinni verður stutt stopp í ostabúð sem sérhæfir sig í geitaosti og selur ýmislegt annað úr héraðinu eins og vandaðar ólífuolíur, pylsur og hunang.

Í Gaucín verður gengið um bæinn og kannski kíkt á Arnarkastala (Castillo del Agila), sem er kastali frá tíma Rómverja sem er í útjaðri bæjarins. Aðeins um 20 mín ganga. Farið út að borða saman um kvöldið á stað með stórkostlegu útsýni yfir til Marokkó í Afríku. Gist í Gaucín.

22. maí: Morgunæfingar. Morgunverður og síðan gengið frá Gaucín til Casa Rural. Þetta er um 3-4 klst ganga og að mestu niður á við. Lagt af stað um kl. 10:00 - 10:30. Bíll kemur að sækja farangur og ferjar hann niður til Casa Rural Ahora.

22-28 maí: Námskeið í Casa Rural Ahora. Jóga, hugleiðsla, öndunaræfingar, djúpslökun, nudd, leirbað, göngur og fræðsluerindi.

Dagskráin í Casa Rural Ahora hefst í jógatjaldinu 22. maí kl. 17:00 með kynningarhring. Kvöldmatur kl. 19:30.

Dagskrá lýkur miðvikudaginn 28. maí eftir morgunjóga og morgunverð. Rúta sækir hópinn kl. 11:00. Komið til Malaga um kl. 15:00. Stoppað í þorpinu Casares á leiðinni niður til Malaga og gengið aðeins um þetta fallega litla fjallaþorp. 

**********************

  • Hver dagur hefst á annaðhvort jóga og slökun í jógatjaldinu eða léttri göngu frá 8:00 - 9:30
  • Morgunverður kl. 9:45 - 10:30
  • Hádegisverður kl. 14:30-15:30 (aðal máltíð dagsins)
  • Kvöldverður kl. 19:30 - 20:30 (létt máltíð s.s. súpa og/eða eldað grænmeti og salat)
  • Alla daga er frjáls tími fram að hádegisverði nema daginn sem við tökum fræðsluspjallið. Stundum er farið í göngu fyrir hádegisverð. Aðra daga fara þeir í nudd eða leirbað, sem það eiga bókað. 
  • Eftir hádegisverð er frjáls tími fram að kvöldverði. Nudd eða leirbað hjá þeim sem það eiga bókað. Hægt að ganga niður að á, synda og sóla sig.
  • Einn daginn verður fræðsla og heilsuspjall eftir morgunverð: Áhrif næringar og lífsstíls á andlega og líkamlega heilsu og kosti þess að styðja við hreinsun líkamans.  Aðferð Ayurveda við hreinsun líkamans er útskýrð og rætt um mismunandi líkamsgerðir og hvernig ákveðið fæði og lífsstíll hentar fólki misvel. Dæmi tekið af ketó, köldum böðum, hot yoga og föstum og fleiru sem er misgott fyrir fólk.
  • Alla dagana verður hreinsandi og meltingaraukandi kryddte í boði í anda ayurveda.
  • Jóga Nidra leidd liggjandi djúpslökun og spilað á tónskálar dagega.  Suma daga er jóga nidra í eftirmiðdaginn og kvöldin þá laus í leirbað eða nudd í staðinn.
  • Reykingar eru ekki leyfðar innan búgarðsins.
  • Kaffi verður ekki í boði í Casa Rural Ahora þar sem það vinnur gegn heilsubótarmarkmiðum ferðarinnar. En fyrir þá sem vilja fá sér sopann sinn eru nokkur kaffihús í þorpinu. Aðeins 3-4 mínútur að ganga frá búgarðinum.

Ekki þarf að hafa reynslu af jóga til að taka þátt.

Jógakennari og leiðangursstjóri er Heiða Björk Sturludóttir, leiðsögumaður, umhverfisfræðingur, sagnfræðingur, kennari, jógakennari, ayurveda sérfræðingur og næringarþerapisti. Henni til aðstoðar er Þröstur Sverrisson, umhverfissagnfræðingur og leiðsögumaður.

  • Verð í tveggja manna herbergi:  255. 000 kr.
  • Verð í fjögurra manna herbergi: 215.000 kr

Verðskilmálar: Greiða þarf staðfestingargjald að upphæð 80.000 kr. við skráningu. 

Ganga þarf frá eftirstöðvum um miðjan febrúar 2025.

Ekki er endurgreitt ef forföll eru tilkynnt eftir 16. febrúar 2025.

Ef afbókað er fyrir þann tíma er öll upphæðin endurgreidd fyrir utan staðfestingargjaldið. Ef óviðráðanlegar aðstæður koma upp t.d. vegna alvarlegra veikinda verður ferðin endurgreidd að fullu fyrir utan staðfestingargjaldið.

Tryggðu þér sæti núna með því að greiða staðfestingargjaldið, 80.000 kr.

 

 

INNIFALIÐ: 

  • Gisting og morgunverður í fjallaþorpinu Gaucín
  • Gisting og fullt fæði í Casa Rural Ahora heilsubúgarðinum
  • Morgunverður, hádegisverður og kvöldverður á meðan á dvöl stendur (Grænmetisfæði en þó stundum boðið upp á eggjaköku og kindaost)
  • Efnaskiptate í anda ayurveda í boði alla dagana í Casa Rural Ahora
  • Filterað vatn til drykkjar
  • Morgunjóga (kundalini yoga, mjúkt jóga og yin yoga, öndunaræfingar og hugleiðsla)
  • Jóga nidra leidd liggjandi djúpslökun daglega. Spilað á söngskálar í lokin.
  • Jógamottur
  • Næringar- og heilsufræðsla í anda ayurveda lífsvísindanna indversku með stöku fræðslupunktum úr vestrænni næringarþerapíu.
  • Sögufræðsla um veldistíma máranna á Spáni (Heiða kenndi sögu máranna í 15 ár í framhaldsskóla og er höfundur kennsluefnisins)
  • Gisting í tveggja- og þriggja manna herbergjum með baði. Eitt fjögurra manna herbergi í boði líka þar sem hvert rúm er með sitt náttborð. Ekki kojur.
  • Handklæði, sápa og sængurfatnaður. (skipt um einu sinni á meðan á dvöl stendur eða oftar ef þörf krefur)
  • Fimm göngur með leiðsögn:
    • Gengið frá Gaucín til Casa Rural Ahora (3-4 klst)
    • Í Casa Rural Ahora: Þrjár léttar göngur (um 1 klst). Tvær lengri göngur; önnur um 3 klst og talsverð hækkun og síðasta gangan er rúmar 3 klst með stoppum, að hinu dásamlega fallega Hrægammagljúfri. Þangað göngum við síðasta daginn með nesti og böðum okkur í tærri ánni.
  • Rúta upp í fjöllin 21. maí og aftur til baka 28. maí.
  • Flutningur á farangri frá Gaucín á meðan hópurinn gengur niður til Casa Rural Ahora.

EKKI INNIFALIÐ:

  • Flug til Malaga
  • Gisting og bröns þann 21. maí í Malagaborg
  • Nudd og leirbað í Casa Rural Ahora (nuddið kostar um 40-45 evrur og leirbaðið um 20 evrur. Nákvæmt verð verður klárt í febrúar 2025)
  • Hádegis- og kvöldverður í Gaucín og nesti til að taka með í gönguna niður til Casa Rural Ahora daginn eftir (22. maí)

Hitastig í El Colmenar þorpinu seinni part maí, er vanalega um 25-27 gráður yfir daginn.
Þeir sem vilja framlengja dvölina í Malaga eftir að námskeiðinu í fjöllunum er lokið verður bent á margvíslega spennandi möguleika eins og að ganga hinn magnaða stíg Caminito del Rey

Nánari upplýsingar og skráning  í síma 8650154 og í tölvupósti til:  astogfridur@astogfridur.is

 

Heiða Björk og Þröstur leiðangursstjórar í Hrægammagjúfri.

 

Dásemdarsund í Hrægammagljúfri 

 

Fjögurra manna herbergi Veggur með hurðaropi og hengi fyrir aðskilur tvö rúm frá tveimur öðrum. Eitt salernig fyrir rúmin fjögur. 

 

2-3 manna herbergi

 

Baðherbergin eru skemmtiega hönnuð -spænskur sveitastíll og hvert herbergi er með sinn stíl. 

Casa Rural Ahora búgarðurinn. 

 

 

Áin Guadiaro rennur fyrir neðan búgarðinn þar sem gott er að kæla sig í sumarhitunum. 

 

 

Shipping & Returns

Hægt er að sækja vörur í Björkina í Grímsnesinu skv. samkomulagi. (Nærri Borg í Grímsnesi)

Fyrir nánari upplýsingar:
astogfridur@astogfridur.is - s. 8650154

Við sendum vörur um land allt. Pantanir eru afgreiddar á þriðjudögum í hverri viku nema á frídögum.