Ayurveda - Tarot - Heilsa - Náttúruböð - 29. júlí - 3. ágúst

Heiða Björk hjá ÁST OG FRIÐUR og þær Tinna og Margrét hjá GLAÐARI ÞÚ taka höndum saman og bjóða þér í sex daga heilsu- og ævintýraferð um Verslunarmannahelgina. Dvalið verður í dásamlega fallega búgarðinum að Selá við Hauganes, þar sem örstutt er að tölta út að á og busla aðeins í fossinum, nokkurra mínútna labb niður í fjöru þar sem við stingum tánum í sjóinn eða förum á bólakaf. Allt eftir smekk. 

Við gerum æfingar úti í guðsgrænni náttúrunni. Sitjum í hugleiðslu og spjalli á kósí milliloftinu og sötrum kakó, te, turmerik latte eða flóaða kryddmjólk.

Lærum um heilsufræðin indversku AYURVEDA og hvernig hægt er að nýta þau til heilsubótar. Lærum um TAROT, fáum sýnikennslu í gerð kryddghee og margt fleira skemmtilegt, skapandi og heilsusamlegt. 

Í boði er eitt þriggja manna herbergi, nokkur tveggja manna herbergi og eins manns herbergi. Uppábúin rúm með handklæðum. Aðeins eru 12 pláss í boði svo ef þér líst vel á, ekki draga það að skrá þig. Herbergin eru ekki með sér baði. 

Fyrir utan búgarðinn er heitur pottur með dásamlegu útsýni yfir eyjafjörðinn. 
Margt verður spjallað og spekúlerað á þessum 6 dögum sem við eyðum saman. Farið verður yfir meðfæddar líkamsgerðir, rætt um markmiðssetningu, mataræði, jurtir, áhrif náttúrunnar, æfingar gerðar eins og öndunaræfingar og teygjur farið í fræðin í kringum Abhyanga, sjálfsnudd með olíu sem mikið er stundað í ayurveda lífsvísindunum.

Stundum borðum við að Selá, stundum leggjum við land undir fót og kíkjum til nágrannabæjanna í hádegis- eða kvöldverð. Margir skemmtilegir veitingastaðir eru í nágrenninu eins og Gísli, Eiríkur og Helgi á Dalvík og Bakkalá í göngufjarlægð á Hauganesi. Þær máltíðir eru ekki innifaldar í verðinu. 

Þátttakendum stendur til boða að fá 30 - 45 mín einkatíma í tarot, ayurveda, ayurvedísku andlitsnuddi, LNT orkumeðferð eða markþjálfun á góðum afslætti þegar tími gefst til á milli atriða.

Við komum okkur á staðinn á eigin bíl, rútu eða fáum far í bíl með öðrum. Margrét og Heiða verða á eigin bíl og geta tekið með sér farþega. 
Við lofum skemmtilegri og öðruvísi upplifun þessa Verslunarmannahelgi. Upplifun sem getur verið upphaf að breytingum á lífsstíl og mataræði eða einfaldlega góð innspíting á orku inn í sumarlokinin.

VERÐ:
Einsmanns herbergi 249.000 kr
Tveggja manna herbergi 222.000 kr.

Staðfestingargjald er 50.000 kr sem greiðist við skráningu.

Restina þarf að greiða eigi síðar en 20. júlí.

INNIFALIÐ
* Gisting 5 nætur að Selá
* Morgunverður alla daga
* Hádegisverður að Selá 3 daga
* Kvöldverður að Selá 3 daga.
* Far með Heiðu eða Margréti á meðan pláss leyfir.
* Te, gullmjólk (turmerik latte) og nasl í þrjúkaffinu

Myndir frá Hauganesi og Selá